Masharti ya matumizi

Kwa lugha rahisi: tunachokufanyia, kisichoruhusiwa, na tunavyolinda taarifa zako.

Imesasishwa 23 Oct 2026 · tov ni huduma ya EBBIC LIMITED, Dar es Salaam, Tanzania.

1. Huduma

tov inakutengenezea tovuti ya ukurasa mmoja kwenye jina.tov.co.tz, au kwenye jina lako la .co.tz kwa mpango wa domain. Unalipa kwa M-Pesa kwa muda uliochagua (siku 31 au siku 366). Tovuti inachapishwa baada ya malipo kuthibitishwa.

Muda ukiisha, tovuti inaendelea kuonekana siku 7, kisha inaonyesha ukurasa wa kusubiri malipo. Ukilipa tena wakati wowote inarudi kama ilivyokuwa. Maudhui (picha, nembo, maelezo) yanafutwa kabisa baada ya siku 90 bila malipo; jina lako linabaki kwa ajili yako.

Malipo yaliyothibitishwa hayarudishwi, isipokuwa sisi tukishindwa kuchapisha tovuti yako. Bei inaweza kubadilika kwa maagizo mapya; muda uliolipia haubadiliki.

2. Maudhui yako

Maudhui ya tovuti ni yako na yanabaki yako. Unatupa ruhusa ya kuyaonyesha kwenye tovuti yako, kwenye kadi ya kushiriki (WhatsApp, Google) na kwenye bango la QR. Unathibitisha kwamba maudhui ni ya kweli, ni yako au una ruhusa ya kuyatumia, na biashara iliyotajwa ni yako.

3. Yasiyoruhusiwa

Tovuti ya tov haitumiki kwa:

• Kujifanya mwingine (phishing): benki, M-Pesa, Airtel Money, Tigo/Mixx, serikali, NIDA, TRA, polisi, au biashara ya mtu mwingine. Kuomba PIN, nywila, namba za kadi au ada za "kuthibitisha" ni marufuku kabisa.
• Udanganyifu wa aina yoyote, bidhaa au huduma zisizo halali, uuzaji wa dawa zisizo na kibali, silaha, au kamari isiyo na leseni.
• Matusi, chuki, vitisho, au maudhui ya ngono.
• Picha, nembo au maandishi ya mtu mwingine bila ruhusa (hakimiliki na alama za biashara).
• Spam, viungo vya programu hasidi, au kutumia tovuti kuficha anwani ya mtandao mwingine.

Majina ya tovuti yanayofanana na benki, mitandao ya simu, huduma za malipo au maneno ya usalama ("login", "verify", "secure") yanakataliwa kiotomatiki.

4. Kuripoti na kuondoa (takedown)

Umeona tovuti ya tov inayovunja masharti haya? Tuandikie [email protected] au WhatsApp ukiweka link ya tovuti na maelezo mafupi. Tunajibu ndani ya saa 24.

Tovuti inayovunja masharti inazimwa mara moja, bila taarifa ya awali na bila marejesho. Mwenye tovuti anaarifiwa kwa WhatsApp na anaweza kujibu. Tunashirikiana na mamlaka za Tanzania zikituomba kisheria.

5. Faragha

Tunahifadhi: jina la biashara, namba yako ya simu, maudhui uliyoweka, namba uliyolipia nayo na kumbukumbu za malipo (namba ya muamala wa M-Pesa). Hatuuzi wala kushiriki namba yako. Namba ya simu inaonekana kwenye tovuti yako kwa sababu ndiyo njia ya wateja kukufikia; ukitaka iondolewe, tuandikie.

Tunahesabu wageni wa tovuti yako kutoka kumbukumbu za server (logi zinahifadhiwa kwa muda mfupi, tunakuonyesha idadi tu). Tovuti za wateja hazina cookies wala vifuatiliaji. tov.co.tz inatumia cookies tatu tu: lugha, link ya aliyekuleta (siku 30) na kikao cha msimamizi.

Nakala za usalama (backup) zimefichwa kwa usimbaji (encryption) na zinahifadhiwa Tanzania/Ulaya kwa siku 30 hadi 180. Ukitaka maudhui yako yafutwe kabisa, tuandikie na yanafutwa ndani ya siku 7.

6. Domain yako

Kwenye mpango wa domain, jina la .co.tz linasajiliwa kwa jina lako (wewe ni registrant), sisi ni technical contact tunaosimamia DNS na kulipa upya kwa niaba yako muda wote unapolipa. Ukiacha kulipa au tukiacha kutoa huduma, domain inabaki yako hadi muda wake wa usajili uishe.

7. Mengineyo

Tunaweza kubadilisha masharti haya; tarehe ya mabadiliko inaonyeshwa hapo juu na mabadiliko makubwa yanatangazwa kwa WhatsApp. Masharti haya yanafuata sheria za Jamhuri ya Muungano wa Tanzania. Maswali: WhatsApp.